【曾育成系列】
仲記得幾個月前，
eric提議話，
「不如你比幾個月時間跟我操，不過要好聽話」。
最初有啲猶豫，
因為我真係好鍾意亂食野。
後嚟諗諗下，
廿五歲新陳代謝都開始慢，
越遲減就越難，
最後的起心肝去試。
幾個月嚟，
喺無食supplement下靠控制飲食，
一個星期去兩至三日gym，
望住自己啲肥肉越黎越少。
中間有過樽頸位，
不過今日再影呢張相，
覺得自己真係瘦左同firm左。
遺憾嘅係工作關係食唔定時又休息唔夠，
又食唔夠蛋白質build肌，
只係瘦左同線條明顯左，
未有變大嚿到做唔到大隻佬。
如果我肯聽話啲再跟足啲，
效果肯定會更好。
但過去呢段時間eric好用心幫我design program，
當我以為自己做唔到嘅時候用佢嘅方法令我知仲有貨，
不斷將極限推前，
打波都無再覺得個身重。
脂肪比例由22%減到15%，
勁過毛主席嘅大躍進。
真心感謝 Eric Leung 嘅耐性同心機，
特別係對我呢個有啲惰性又會遲到甩底嘅偽肥仔哈哈。
好多人都問我一個問題，
「eric train唔train其他人㗎？」
我呢家一次過答，
其實eric係一個私人教練，
佢係有train其他人的。
Search